Імёны ахрышчаных у 1850-ых гг. у ашмянскім касцёле

Ніжэй, у выглядзе табліц, прыведзены найбольш папулярныя мужчынскія і жаночыя імёны сярод ахрышчаных у ашмянскім касцёле за перыяд з 1850 па 1859 гг. Усяго за гэты час было ахрышчана больш за 2600 чалавек.

Метрычныя кніжкі за гэтыя гады былі на рускай мове (да 1848 былі на польскай). Але тут імёны падаюцца на польскай мове. Бо на рускай мове некаторыя імёны былі напісаны ў розных варыянтах. Напрыклад Józef мог быць запісан як Юзеф, Иосиф, Осип і інш. І на беларускай мове многія імёны можна запісаць па-рознаму. А на польскай мове ўсё больш адназначна.

У трэцім слупку прыведзена агульная колькасць, а ў чацвёртым - колькі разоў з агульных імя было нададзена як другое, або трэцяе.

Мужчынскія імёны

1	Józef	222	9
2	Jan	189	13
3	Antoni	123	7
4	Wincenty	102	2
5	Michał	81	4
6	Kazimierz	70	5
7	Franciszek	59	7
8	Stanisław	42	3
9	Adam	38	2
10	Ignacy	36	3
11	Aleksander	28	1
12	Stefan	25	0
13	Piotr	24	3
14	Kajetan	22	3
15	Julian	21	3
16	Andrzej	19	2
17	Władysław	19	0
18	Jerzy	18	1
19	Karol	17	4
20	Konstantyn	16	1
21	Marcin	15	3
22	Jakub	14	2
23	Maciej	13	0
24	Tomasz	12	3

Заўвагі: да Jan далучана яшчэ і Janusz (сустракалася толькі адзін раз). 
Konstantyn можна запісаць і як Konstanty.
Jakub раней пісалі як Jakób.
Да імя Maciej было далучана яшчэ Mateusz (сустракалася двойчы).

Жаночыя імёны

1	Marianna	158	1
2	Anna	141	7
3	Antonina	99	8
4	Rozalia	65	3
5	Karolina	65	5
6	Józefa	61	2
7	Michalina	58	1
8	Katarzyna	55	6
9	Wiktoria	48	2
10	Franciszka	41	2
11	Izabela	36	2
12	Emilia	36	2
13	Ewa	35	2
14	Aniela	35	2
15	Helena	35	6
16	Petronela	28	2
17	Maria	22	6
18	Zofia	21	1
19	Paulina	20	1
20	Julia	19	0
21	Kazimiera	19	3
22	Ludwika	18	1
23	Magdalena	18	4
24	Konstancja	17	1
25	Elżbieta	15	3
26	Józefata	13	2
27	Stefania	12	1
28	Urszula	11	0
29	Apolonia	11	0
30	Tekla	11	1
31	Weronika	11	1
32	Justyna	10	0
33	Aleksandra	10	0

Адметна, што большасць з папулярных некалі імён сёння зусім не сустрэць. А такія імёны як Караліна, Марыана, Паўліна, Ізабела і інш. цяпер лічацца многімі як навамодныя, хаця раней яны былі для ашмянскай парафіі звычайнымі.

Ашмяны на карце (1903 год)

На сайце igrek.amzp.pl ёсць буйнамаштабная карта Рабоча-сялянскай Чырвонай арміі 1939 года з Ашмянамі. Па ёй, можна даведацца, якімі былі межы горада ў пачатку ХХ ст., так як яна з'яўляецца копіяй паўверставой карты 1903 года.

Фрагмент карты

На карце лічбамі адзначаны некаторыя аб'екты, на якія хацелася бы звярнуць увагу:

1) Касцёл Святога Міхала Арханёла. Будаўніцтва якога, на момант стварэння карты, яшчэ было не скончана.
2) Васкрэсенская царква.
3) Сінагога. Хутчэй усяго гэта сінагога, якая захавалася да нашых дзён. Але, так як ёсць розныя звесткі пра год яе пабудовы, магчыма гэта і папярэдні храм, які месціўся на тым самым месцы.
4) Царква Богаяўлення Гасподняга (не захавалася).
5) Былы францішканскі касцёл.
6) Капліца на каталіцкіх могілках.
7) Турэмная каплічка. Пабудавана ў 1892 г. на прыватныя ахвяраванні.
8) Каплічка на праваслаўных могілках. Дакладных звестак пра яе няма, можа яе і не было.
9) Яўрэйскія могілкі. У паўночнай частцы пазначаны будынак пры ўваходзе на могілкі, пра які ўзгадавалася ў адным з пастоў.
10) Паштова-тэлеграфная кантора. Як бачна з карты, знаходзілася яна на вуліцы Гальшанская. Каля 1912 года на вуліцы Жупранскай быў пабудаваны новы вялікі будынак пошты і тэлеграфа.
11) Гарадскі млын. Пазней на яго месцы пабудавана ГЭС.
12) Млын Міхала Купрэля ў Францішканах (Старой Ашмяне).
13) Гарадскі сад. Сёння тут таксама знаходзіцца гарадскі парк.
14) Вінакурня Стругача. Доўгія гады з'яўлялася самай вялікай фабрыкай у горадзе.
15) Сядзіба Стругача ў Панавелішках. Побач пазначана яшчэ і нейкая невядомая вінакурня.
16) Бойня. З'явілася якраз каля 1903 года. Зараз гэта найбуйнейшая ашмянскае прадпрыемства - мясакамбінат.
17) Вінны склад. Пабудаваны ў 1890-ых гг. Пасля ператвораны ў адзяленне турмы.
18) Казлінкі. Магчыма гэта быў касцёльны фальварак. На некаторых іншых картах Казлінкі пазначаны ў іншым месцы (там дзе на гэтай карце знаходзіцца ф. Маргоўка).
19) Будынак Стругачэй. Цяпер гэта аўташкола.
20) Казначэйства. Зараз у гэтым будынку мэблявая крама.

Таксама на карце пазначана шмат гарбарняў.