вторник, 14 сентября 2021 г.

Ашмянская друкарня

На відэа 1930-ых гг. Арана Бароўскага ёсць будынак з шыльдай, на якой можна разгледзіць надпіс "Drukarnia". Акрамя шыльды, будынак нічым не прыкметны, звычайная хатка, якіх было шмат у Ашмянах.

Друкарня ў Ашмянах (малюнак на аснове відэа)
Склейка некалькіх кадраў з відэа, на аснове якой зроблены малюнак

З відэа не зусім зразумела дзе знаходзілася гэтая друкарня. Хутчэй усяго гэта вуліца Пілсудскага, бо на суседніх кадрах паказана менавіта яна. Нумар дома разгледзіць складана, бачна толькі, што там двухзначная лічба.

У адрасных кнігах за 1928-1930 гг. узгадваецца толькі адна друкарня - Lewin Sz., Piłsudskiego. У кніжцы "Памяць. Ашмянскі раён" напісана, што яна "...знаходзілася ў руках "спулкі" з трох чалавек - Дэўля, Левіна і Шугаля". 

У інтэрнэце ёсць некалькі кніг, якія былі надрукаваны ў друкарні Левіна ў Ашмянах.

Głos Oszmiański. Оrgan młodzieży Gimnazjum Państw. w Oszmianie, 1935 (elibrary.mab.lt)
Warunki dostarczania prądu przez Hydroelektrownię Miejską w Oszmianie, 1929 (polona.pl)
Пазнака друкарні ў кнізе "Głos Oszmiański"

Комментариев нет: