вторник, 22 января 2019 г.

Гасцініца і Цырульня

На вуліцы Жупранскай (пазней ul. Piłsudskiego, зараз вул. Савецкая), недалёка ад царквы, знаходзіўся драўляны будынак з мезанінам. У міжваенны час побач з ім быў пабудаваны так званы дом пані Пляўгавай.
Дом Пляўгавай і будынак з мезанінам
Будынак можна сустрэць на некалькіх старых фотаздымках:
Але больш дэталёва яго можна ўбачыць на відэа 1930-ых гг. Магчыма разгледзіць нават некторыя шыльды і надпісы. Так на першых дзвярах справа - надпіс HOTEL, а над другімі дзвярамі справа і на суседніх вокнах - шыльда і надпісы FRYZJER (цырульнік):
Напэўна, у гэтым будынку знаходзіўся і рэстаран, што вядома з плана Ашмянаў 1939 г., дзе як раз прыкладна гэта месца пазначана REST.-HOTEL.

З дапамогай адрасных кніжак і тэлефонных даведнікаў міжваеннага часу, можна зрабіць здагадку каму належылі гэтыя ўстановы. Так найбольш верагодным уладальнікам гасцініцы і рэстарана мог быць Шлёма Шэлюбскі (або яго ўстановы знаходзіліся на супрацьлеглым баку вуліцы), а цырульні - Фрума Шрыра.

Будынак быў знесены прыкладна у другой палове 1970-ых гг., пасля пабудовы Дома Саветаў.